Inicio > Chigres > Una botellina n’El Secañu
ChigresChigresEncamientosEncamientosOpinión

Una botellina n’El Secañu

Naguando porque acabe la hestoria esta del andanciu de coronavirus, y no que debe ser el primer díi medianamente soleyeru de xunu, pasemos per delantre d’El Secañu, y diómos lo que’l nome del chigre indica.

Anque nun taba planiao, había tiempu y ganes, cobinación especialmente agradecía cuando de tomar un culín se trata.

Entremos col resquizu que da tanta midía de prevención sanitario, pero lo cierto ye que dende l’entamu l’ambiente yera auténticu, como d’enantes del andanciu, colo que valoremos si barra o mesa, y sentímosmos vagos… teníemos a escoyer sidre Peñón, Contrueces y Peñón DOP. Tomemos una botellina de Peñón, otra de Contrueces, y dexemos Peñón DOP pa otra ocasión, porque pasósemos desapercibía nun entamu, y yá tabemos bien coles dos botellines.

Si yá falábemos del bon ambiente, agora toca la sidre. Bona sidre, a temperatura afayaízo, bien echao, en tiempu y forma. Ye una rara virtú esa de qu’el chigreru sepa cuando ta apeteciéndote un culín, que nun t’afuegue nin por falta nin por escesu… y n’El Secañu tomáronmos perbién la midía.

Pa echar la sidre p’abaxo –o pa enriba, según se mire- pidiemos unos chipirones a la chapa. Bona rellación calidá/preciu, ensin tirar volaores, pero bien.

Un chigre ye un chigre, una botella ye una botella, un culín ye un culín, y El Secañu ye un chigre mui d’encamentar.

 

EL SECAÑU. Hondures 37. La Calzada, Xixón. T.984 49 10 85

(Visited 2.465.904 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies