Inicio > Sin categoría > Un tuit mal echáu
Sin categoría

Un tuit mal echáu

Un tuit de la DOP Sidre d’Asturies nes que se ñega l’asturianidá de los postreros ganaores del Campionatu d’Echaores d’Asturies xenera una rápida rempuesta nes Redes Sociales

El tuit en custión, que nun paez pretender otro que xenerar un poco de piquilla pa publicitar el Campionatu Mundial d’Echaores, plantega que desde 2011 dengún asturianu ganó’l campionatu “autonómicu” y plantega la oportunidá de tomar la revancha nel citáu Campionatu Mundial.

Les rempuestes foron munches, ente elles la d’esta propia revista, afitando lo evidente: “Si viven y trabayen n’Asturies son asturianos. Orixinarios d’otru país y d’una o otra raza, pero asturianos dafechu.”

Pero hebio otres munches:

“Toi viendo munchu “asturianu” esmolecíu por decatase de que nel mundu de la sidra hai la mesma discriminación d’orixe que n’otros trabayos de poca deseabilidá social y eso paez que-yos fae’l tragu más amargu… Manca quitar la venda los güeyos.”

“Banderines y confrontado los “d’Asturies escontra los de fora.Toi arguyosu de xente como  @salvadorondo. Un exemplu de lo que ye la defensa d’Asturies.”

“Sedrán más asturianos los del “Principado” con vente apellíos asturianos, pero que brinden con vino español y nun saben nin falar asturianu”

 

Nun faltaron tampoco crítiques a la bandera d’España qu’apaez al llau del nome del postrer ganaor  que la DOP considera “asturianu”. “Unos y otros son asturianos ¿Y que pinta esa bandera d’España??? En qué quedamos: asturianos o españoles??” “Y que pinta esa bandera ehí???”, ya inclusu otres nes que se define como reveníu l’usu del términu “autonómicu”, en cuentes de d’Asturies, asturianu, del país, o mesmamente nacional.

A la fin un tuit mal echáu d’una DOP de la que s’espera muncho más, y que yá vien siendo oxetu de crítiques pol usu práuticamente simbólicu que fai del asturianu “son asturianos namás cuando-yos beneficia a ellos, pa lo demás, cazurros perdíos” diz ún de los munchos tuits al respeutu.

(Visited 744.155 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies