Allugada a un pasu de los dos llagares más urbanos de Xixón, Sidra Roces y Sidra Contrueces, ta nidio cuál ye la sidre que vamos topar na Sidrería Urbiés.
Nesta ocasión escoyimos Sidra Contrueces Etiqueta Oru p’acompangar un platu cientu per cierntu llionés: un cocíu maragatu.
Respetuosos comu somos colos vezos culinarios, esfrutamos esti manxar siguiendo l’orde que la tradición marca, lo que riquier qu’entamemos a comer pel compangu y la carne, pa siguir darréu colos garbanzos y finar cola sopa, procedimientu que si bien permite saborguiar ca componente per separtao tien l’inconveniente de facete llegar a la sopa col estómadu ya a rebosar, especialmente cuando ye tan abondoso comu lu sirven n’Urbiés.
Menos mal que somos de bon comer, porque sedría pecáu nun esfrutar fasta’l final un cocíu comu esti, en so puntu, 100% encamentable.
