Inicio > AS > Noticies > Un créitu pa pagar a los trabayaores del Muséu de la Sidre
Noticies

Un créitu pa pagar a los trabayaores del Muséu de la Sidre

La Fundación de la Sidre tendrá de recurrir a una entidá bancaria pa solventar 68.000 euros.

LA SIDRA.- La Fundación de la Sidre anda a la gueta d’un aval pa poder solicitar un créitu a una entidá bancario y asina pagar a los dos trabayaores del muséu que ganaron una demanda por mor de los reiteraos impagos de lso sos llibramientos y na que tamien solicitaren la rescisión de los sos puestos de trabayu. La intención del presidente de dicha entidá, l’alcalde de Nava Juan Cañal, yera poder llegar a un entendimientu colos trabayaores. Pero nun foi posible. El pagu de los llibramientos algama la cifra de 68.000 euros.

 

A entamos d’esti añu los trabayaores del equipamientu tomaren midíes llegales por mor de la so situación llaboral. Varios meses d’impagos facíen insoportable la so situación nel cientru. La Fundación de la Sidre, que dirixe’l muséu, solicitó yá d’aquella un créitu pa poder paga-yos. Fos delos trabayaores continuaron el so procesu pela vía llegal demandando la rescisión del so contratu polos continos retrasos que carecíen. A finales de xunu, una sentencia llegal dio-yos la razón ya indicó que se-yos debiere abonar la cantidá de 68 mil euros pola recisión del contratu.

Ello asina, les coses siguen complicándose-y a un Muséu de la Sidre nel que nin la xestión pasada, nin el futuru prósimu paecen tar mínimamente nidios.

(Visited 2.465.118 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies