Inicio > DOP Sidre d'Asturies > ¡Tornen a Xixón los Xueves de Sidre con Denominación!
DOP Sidre d'AsturiesEventosGastronomíaSin categoría

¡Tornen a Xixón los Xueves de Sidre con Denominación!

¡Tornaron les barres y tornaron los Xueves de Sidre con Denominación! Una iniciativa qu’enantes del andanciu tuvo bien de ésitu y qu’agora retómase coles mires de “dinamizar l’arribación de veceros a los establecimientos d’hostelería,  cuantimás a les sos barres, utilizando como reclamu’l mundiu la sidre”.

LA SIDRA.- La promoción consiste nuna botella de sidre acoyío a la Denominación d’Orixe Protexía más una propuesta gastronómica, cazuela o asemeyao, y tenela a dimposición de los veceros los xueves. Nesta iniciativa d’Otea, en collaboración con Divertia Xixón, participen venti establecimientos con propuestes tan tradicionales como callos, fégadu encebolláu, calamares, tortos con picadiellu, cecina, picadiellu de gochu asturcelta y güevu, chipirones afogaos, chorizos a la sidre, ente otros. Los precios varien ente llocales, pero son más que curiosos pos bazcuyen ente los cinco y los diez euros, y tamién hai promociones de dos cazolines.

Los establecimientos son: El Tendido, Hotel Arena, La Mar de Platos, Johy, La Casona de Jovellanos, La Montera Picona de Ramón, La Terraza de Porceyo, Sidrería Canteli, Sidrería El Chisqueru, Sidrería El Restallu, Sidrería El Saúco, Sidrería Gijón, Sidrería Guaniquei, Sidrería La Cabaña del Santu, Sidrería Los Campinos, Sidrería Llagar de Begoña, Sidrería Nueva Uría, Sidrería Río Astur,  Sidrería Rubiera y Sidrería Tropical.

La información de ca llocal y la so respeutiva propuesta pue consultase na páxina d’Otea y tamién en https://www.escapadaasturias.com/xueves-de-sidra-2021/. Amás, tamién pue participase nun concursu de Facebook nel que se sortea un menú nel establecimientu participante, a quien faigan una semeya de la promoción y la xuba a la rede social de Otea, indicando’l llocal col hashtag JuevesdeSidra y dando al ‘Me Gusta’ na páxina.


(Visited 2.465.923 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies