Inicio > Llagares > Torna Trabanco d’Escoyeta
Llagares

Torna Trabanco d’Escoyeta

El llagar anuncia que la etiqueta prieta de Trabanco “va distribuyise nos meyores chigres”

LA SIDRA.- Trabanco d’ Escoyeta ye una sidre bien especial, siñalen dende’l llagar xixonés y amiesten: “la d’esti añu ye espectacular. Fecha con races de mazana amargosa, aceda y acedada y lleldada a baxa temperatura en toneles de castañal, con un saborgu con bona acidez”. Amás, indiquen que la sidre ellaborao en Llavandera ta​ trasegao en lluna menguante, y mimado poles sos pumareros, vecinos y trabayadores.

El llagar tamién detalla que pa ellaborar la bébora utilizaron mazanes provenientes de finques vecines al llagar y de cultivos propios yá que cunten con una pumarada de más de 50 hectáries. “Con Trabanco d’Escoyeta amás de pola más alta calidá de la sidre, la empresa apuesta pel campu n’Asturies y pol futuru de les pumaraes de Llavandera. Finques que yá daben los sos frutos al llagar asturianu muncho primero de los nuesos tiempos. Güei más que nunca ye momentu de curiamos ente nós y protexer la nuesa manera de vida” manifiesten.

Coles mesmes, na so campaña publicitaria quinxeron destacar el momentu de la mayanza, un de los más especiales del llagar: “Les imaxes pertenecen a la mayanza de 2019 en Llavandera con pumareros, amigos, que lleven collaborando con Trabanco toa una vida y que yá dende va tiempu en Trabanco queríen poner de manifiestu la so importancia vital nel mundiu la sidre y rindi-yos homenaxe”.

(Visited 2.465.498 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies