Inicio > Llagares > Tiempu de mayanza
Llagares

Tiempu de mayanza

Falar de sidra ye falar d’Asturies, asina empicipia’l vídeu de “España Directo”.

LA SIDRA.-Ye tiempu de pañar mazanes y nel programa de la 1 “España Directo” presentóse un vídiu nel que se resume’l procesu de pañada y ellaboración de sidre al cargu de Samuel Trabanco, xerente del llagar del mesmu nome.

Xose Antonio lleva más de 70 años na so pumarada y enséñamos cómo estremar les races de mazana utilizaes para faer bona sidre. A los sos 79 años lleva dende los doce na pumarada y, na so opinión, cuantes más races de mazana lleva una sidre, meyor ye’l resultáu.

Güei toca Xuanina, Verdialona, más tardida, y Regona, la más aceda de toes y que produz un mostiu de collor bien claru. Demientres trés meses, acaldía, páñense les fasta 70 tonelaes de mazana previstes pa esti añu.

Dempués de pañales, diríxese al Llagar Trabanco, que lleva ellaborando sidre dende 1925, onde Samuel supervisa les operaciones. Un augua frío caltien les mazanes n’una temperatura aparente pa prensar, ente 7º y 8º.

El secretu ta nun prensáu llentu, d’unos trés díis, que dexa que’l mostiusala peneráu y bien finu. A lo postrero, el mostiu lleldade mientres cuatro o cinco meses pa convertise en sidra.

Identidá, tradición, cultura y respetu pola natura. Asturies nun s’entendería como tal ensin la sidre.

Mayanza 2017

La Mayanza de Sidra Trabanco en España Directo – TVENuestro agradecimiento a Tino Cueto Peña y a todo el equipo de España Directo, unos profesionales extraordinarios!!#trabanco #mayanza #cosecha #sidra #lavandera #gijon #asturias #harvest #cider #applecider #hardcider

Publicado por Sidra Trabanco en Miércoles, 29 de noviembre de 2017

(Visited 2.464.690 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies