Inicio > AS > Eventos > Tensando l’Arcu Sidreru
Eventos

Tensando l’Arcu Sidreru

Esti añu, el Festival Arcu Atlánticu cuntará con un espaciu propiu pa la sidre de la Europa atlántico.

L’Arcu Sidreru sedrá ensin dubia dala ún de los principales atractivos del Arcu Atlánticu de Xixón, cola esposición de les 22 semeyes esbillaes nel X Concursu Semeyes LA SIDRA y toa una fargatada d’actividaes que tendrán como protagonista principal les sidres d’Europa, especialmente la de los países con llingües amenorgaes, que ye a quien se-yos dedica esta edición “La mar de llingües”, de tala miente que les sidres gallegues, asturianes, portugueses (pol mirandés, dialeutu del asturianu), vasques, ocitanes y bretones sedrán les principales protagonistes del Arcu Sidreru, con un díi dedicáu a cauna d’elles, del 25 al 30 de xunetu, si bien yá taremos n’activo de magar el vienres 21.

La carpa del Arcu Sidreru asitiaráse nel Puertu Esportivu, nos Xardinos de la Reina, y diariamente ufiertará degustaciones de sidre asturiano y del restu de la Europa atlántico.

Arriendes d’ello, fadránse tolos díis tasties guiaes y harmonizaciones de les sidres de los mencionaos países
con quesos propios, a cargu de reconocíos entendíos na materia, cuntando cola participación de David
Castañón, blogueru de lesfartures.com, Eduardo Coto xerente de Guerrilla Imports, ya Ignacio Cuervo de LA
SIDRA, ente otros.  

 

Asina mesmo, los llagares asturianos tendrán un principal protagonismu, ufriendo charres y degustaciones de los sos productos, o inclusu faciendo la presentación de les sos nueves etiquetes, como ye’l casu del llagar El Duque, qu’ufiertará una edición firmada de les mesmes restrinxía a los asistentes.
Les conferencies que yá tan confirmaes son les que vienen darréu, si bien el programa dirá actulizándose a diariu:

 

Miércoles 26. Occitania

19:30  “La sidra na fotografía”. Luis José Vigil-Escalera Quintanal. Fotógrafu especializáu na sidre y el so alrodiu, con estremaos premios nacionales ya internacionales nel so haber, miembru de la Confederación Estatal de Fotografía ypresidente del X Concursu Semeyes LA SIDRA

Xueves 27. Asturies 

19:30 “La sidre na cocina”. Lluis Nel Estrada. Cocineru, especializáu en gastronomía y comunicación, marketing gastronómico y agroalimentario. Tien espublizaes fasta agora cuatro obres: “ Con Tastu a Sidra”, “Cocina Tradicional Asturiana en Cuatro Estaciones”, y “Cuarenta Quesos, Cuarenta Platos”, este último le supuso el reconocimiento como Queseru Mayor d`Asturies en el año 2006.

Vienres 28. Euskal Herria / País Vascu

19:30 “La Patrimonialización de la cultura. El casu de la Sidre d’Asturies”. Xuan de Con. Antropólogu, profesor-tutor de la UNED. 

Sábadu 29 Breizh / Bretaña

19:30 “L’Océanu que baña la sidre”. David M. Rivas, profesor titular d’Estructura Económica na Universidá Autónoma de Madrid, onde imparte les materias de estructura económica mundial y desendolcu caltenible. Anguañu ye profesor ya investigador de distintos centros d’Europa y América, y ye miembru del Observatoriu Llatinoamericanu d’Ordenación Territorial y Caltenibilidá y del Istitutu Interuniversitariu d’Economía Espacial Caltenible.

Con gran cantidá d’espublizaciones editaes, destacar les referidas a etnografía asturiana: “La sidra asturiana. Bebida, ritual y símbolo” (Xixón, 2001). Segunda edición en 2007. “Las fiestas asturianas. Nuevas formas y viejos ritos” (Xixón, 2009).

Domingu 30 Galicia

19:30 “Sidre y espacios de sociabilidá n’Asturies”. Antonio Martínez Fernández. Llicenciáu en Xeografía y Hestoria, autor d’estremaos llibros, ente ellos “Noreña y la sidra”, obra ganadora de la tercer edición del Premiu d’Ensayu Emilio Trabanco. Un estudiu sobro la hestoria llocal que toma’l seutor sidreru en xeneral y la industria sidrera en particular, como exa principal y que tien en cuenta les conotaciones socioculturales de la sidre n’Asturies.

(Visited 2.467.529 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies