Inicio > Eventos > Tastia Guiada Primer Sidre L’Añu
EventosLlagaresPSLATasties

Tastia Guiada Primer Sidre L’Añu

Cellebraráse’l sábadu 3 d’abril, nel Llagar El Duque, coles 5 primeres sidres clasificaes nel Concursu a la Meyor Primer Sidre L’Añu, la del  llagar anfitrión ¡y una sospresa!

LA SIDRA.- La sidre de HuercesMeyor Primer Sidre L’Añu 2021, Viuda de Angelón, Riestra, M. Vigón, Ramos del Valle (la DOP de Sidra Fran), y El Duque sedrán oxetu d’una tastia guiada dientru les actividaes de la Primer Sidre L’Añu. La tastia impartiránla los dos espertos Manuel G. Busto y Joaquín Fernández, y el propiu Jose Antonio Norniella, llagareru de Sidra Huerces, que presentará la so sidre ganador. 
Pal echáu de sidre cuntaráse cola gran profesional Alejandra Venegas, de la Sidrería La Montera Picona de Ramón, y como quiera que la tastia va emitise online -en https://www.youtube.com/user/INFOLASIDRA; y tamién n’Instagram: @revistalasidra- nesta ocasión tamién habrá echáu llétricu, atendiendo al fechu de que munchos de los seguiores fadránlo dende casa.
Arriendes d’estes seyes sidres, tamié habrá una tastia sospresa d’una sidre perespecial, que de xuru sosprenderá.

La tastia cellebraráse’l sábadu 3 d’abril nel Llagar El Duque, entamará a les 16:30, tien un númberu places llimitáu, y un preciu de 10 €, a ingresar na cuenta de la Fundación Asturies XXI  ES09 0081 5157 600001228623 , faciéndose preciso axuntar nome, apellíu y teléfonu de contautu. 

PRIMER SIDRE L’AÑU / MEYOR PRIMER SIDRE L’AÑU / SIDRACRUCIS / TASTIA GUIADA / IX CONCURSU DE SIDRE CASERO FECHO EN MAERA

 

 

(Visited 1.033.652 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies