Inicio > AS > Noticies > Tastia de sidre na III edición de Gastropasión
Noticies

Tastia de sidre na III edición de Gastropasión

Va llevase a cabu’l miércoles 4 de mayu a les 20:00 hores n’Intu Asturies

LA SIDRA.- El 28 d’abril naguróse la III edición de Gastropasión nel cientru comercial Intu Asturies (Autovia A-66, KM. 4,5, 33429 Paredes, Asturies). Demientres 17 díis van tener llugar en dichu cientru una ventena d’actividaes, demostraciones de cocina en direutu, talleres, tasties y concursos.

Esta selmana ye la que ta destinada a les tasties. Mañana, 4 de mayu, toca-y a la  sidre. La degustación va ser a les 20:00 hores nel gastroescenariu allugáu na plaza l’agua del cientru comercial. El gastrónomu Lluis Nel Estrada va ser l’encargáu de dirixila. Les sidres que podrán prebase van ser Prau Monga  sidre Brut Nature DO,  sidre Pomar Rosée,  sidre de Pera Viuda de Angelón y la  sidre Diamantes de Xelu. Toes de Viuda de Angelón. Pa participar ye preciso inscribise primeramente en www.intu.es/asturias/gastropasion/

 

Tamién, demientres los sábados de Gastropasión, los visitantes del cientru van poder esfrutar d’una amplia variedá de degustaciones de quesos asturianos na Zona de Desgustaciones, allugada na Plaza los Indianos (al pie de FNAC) n’horariu de 18:00h. a 20:00h., conociendo asina de primer man la calidá de los productos y les sos cualidaes más destacaes.

(Visited 2.466.603 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies