Inicio > Cultura sidrera > “Tamos más xuníos que nunca” afirma la DOP
Cultura sidreraEventos

“Tamos más xuníos que nunca” afirma la DOP

La Sidre d’Asturies con Denominación d’Orixe Protexía cellebró’l so IX Salón nel que ganaron Piñera como meyor sidre natural y Pomarines como meyores calistrada y esplumosa.

LA SIDRA.- DOP Sidre d’Asturies cellebró na Feria Muestres de Xixón la novena edición del Salón de la Sidre, na que, asegura la entidá “amosó la xuidá y la fuercia d’un seutor que continúa al alza y que va camín de bater tolos rexistros. Preba d’ello ye l’oxetivu que se marcó fai un añu y que dientru poco pue convertise en rialidá: la entrega de 4.000.000 de contraetiquetes, tou un récor absolutu”.

L’actu central, conducíu pola periodista Arantxa Nieto, cuntó cola presencia del Presidente del CR DOP Sidre d’Asturies, Celestino Cortina; la conseyera de Mediu Rural y Recursos Naturales, María Jesús Álvarez, el presidente d’OTA, José Álvarez Almeida, y el conceyal de Turismu del Ayuntamientu Xixón, Jesús Martínez Salvador.

Otru de los momentos álxidos de la mañana tuvo llugar cola entrega de los gallardones a les meyores sidres de 2018. Sidre Piñera foi distiguida como “Meyor Sidre Natural Tradicional”; Pomarina, de Valle, Ballina y Fernández, como “Meyor Sidre Calistrao”; y Pomarina, de Valle, Ballina y Fernández, como “Meyor Sidre Natural Esplumoso”. Raúl Entrerríos foi nomáu esti añu l’Embaxaor de la DOP Sidre d’Asturies.

Al finar, los 31 ellaboraores posaron nuna gran semeya de familia xunta los premiaos y les autoridaes presentes, una semeya que quedará pa la posteridá, al espeyar lo que va años venía pidiéndose nel suetor y que culminó l’añu pasáu gracies al esfuerciu y al trabayu lleváu a cabu dende’l Conseyu Regulaor y la Conseyería.

(Visited 2.467.096 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies