Inicio > Eventos > Taller de semeyes sidreres
EventosLa sidra

Taller de semeyes sidreres

El cursu, tutorizáu por Xurde Margaride, fotógrafu especializáu nel mundiu de la sidre, permitió visitar el llagar de JR y el de Trabanco en plena mayada, conocer les istalaciones, prebar la sidre’l duernu y del tonel, y facer un reportaxe de les visites.

LA SIDRA.- El cursu, entamáu pola escuela Fotografía Desde Cero, consistió en trés sesiones, una de teoría sobro reportaxe documental, illuminaciones y óptiques afayaíces, y visionáu de trabayos rellacionaos col mundiu la sidre, dempués féxose una visita a Trabanco onde se rializaron estremaes práutiques.

La segunda sesión féxose lo mesmo nel llagar JR practicando la illuminación  correcha pa retratar l’echáu de sidre.

Na tercer sesión tratóse la parte práutica d’edición d’un reportaxe documental, revisándose tolos trabayos y comentando les diverses situaciones a les que s’enfrentaron nes práutiques. El resultáu foi bonu, duró tres sábados y fueron en total unes 10 hores, eso sí, en grupos reducíos, pa facelos bramente útil. Esti añu qu’entra habrá nueva convocatoria.

Por cierto, el plazu pa participar nel XI Concursu Semeyes LA SIDRA fina’l prósimu 10 de xineru!!!

(Visited 2.466.536 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies