Inicio > Cultura sidrera > Suspendía la IV Fiesta de la Mayada y la sidre dulce
Cultura sidreraDellosEventosEventosNoticies

Suspendía la IV Fiesta de la Mayada y la sidre dulce

La falta d’aídes de la Casa Conceyu Noreña impide la continuidá d’esta emblemática cellebración sidrera

LA SIDRA.- L’asociación cultural “InfoNoreña” anunció la suspensión de la IV Fiesta de la mayada y la sidre dulce, que tenía previsto cellebrar en Noreña los díis 16,17 y 18 d’esti mes, por “nun tener recibío a díi de güei la sovención alcordada pa la edición del añu pasáu”, lo que “condiciona nidiamente poder rializar un programa y asumir los munchos gastos que xenera un eventu de tres díis como esti” apunta l’asociación.

Pa enriba del problema económicu, InfoNoreña tamién denuncia problemes lloxísticos, en concreto la cesión per parte la Casa Conceyu de la sala polivalente pa otru eventu’l domingu 18, lo qu’implica desarmar la istalación d’un díi pa otru.

Dende LA SIDRA llamentamos una vuelta más la falta d’interés de la que suelen carecer les alministraciones asturianes en tolo que cinca a la cultura asturiana en xeneral y a la de la sidre en concreto.

 

(Visited 2.466.142 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies