Inicio > Cultura sidrera > Sobre d’entamos del sieglu XXI
Cultura sidreraLlagaresSin categoría

Sobre d’entamos del sieglu XXI

El Depósitu Museísticu de LA SIDRA nel Muséu del Pueblu d’Asturies vese enriquecíu con una nuea aportación: un sobre con membrete de ‘Muñiz, Gamba y Belaunde’

LA SIDRA.- Trátase d’un sobre d’entamos del sieglu XX de tamañu 15 x 12 cm, col membrete y llogu de ‘Sidra de exportación Muñiz, Gamba y Belaunde’, dirixíu a París. Cunta col sellu orixinal de 25 cm y con cuñu peles dos cares.

El Llagar Muñiz, Gamba y Cia anicióse en 1895, y en 1897 amestaríase al mesmu Luis Belaunde, pasando a denomase Muñiz, Gamba y Belaunde, y ente otres peculiaridaes hai de destacar la comercialización baxo la marca “Bodegas de Valgranda” d’una “sidra champagne seca”, quiciás la primera sidre brut de la que se tea conocencia n’Asturies.

Esta nueva incorporación al Depósitu Museísticu de LA SIDRA nel Muséu del Pueblu d’Asturies -Xixón- ye una nueva ayalga recibía, nesti casu d’un donante que prefier caltenese nel anonimatu.

Hai que recordar que la donación d’ellementos museísticos a esti depósitu garantiza la so conservación al traviés del tiempu y la so puesta a dimposición pal estudiu y la consulta pública, engabitando asina a la necesaria ellaboración d’un corpus hestóricu col qu’afitar la cultura sidrera asturiana al traviés de los tiempos.


(Visited 2.466.391 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies