Inicio > AS > Noticies > Siñalización del Museú de la Sidre
Noticies

Siñalización del Museú de la Sidre

Paula Valero entrega 500 firmes na Xunta Xeneral pal allugamientu de siñales indicatives del equipamientu na A-64

LA SIDRA.- La diputada de Podemos acompangó’l llunes al conceyal de Agora Nava, Luis Catalán, a la Conseyería d’Empléu, Industria y Turismu p’apurrir un paquete de 500 firmes que se recoyeron per toa Asturies col enfotu de solicitar l’allugamientu na Autovía A-64 de siñales indicatives del Muséu de la Sidre de Nava.

Paula Valero desplicó: “Podemos Asturies rexistró na Xunta Xeneral una entruga empobinada a la Conseyería pa saber qué intenciones hai de siñalizar la salida d’esta autopista al altor de Llieres, yá que contribuyiría a dar vida al muséu y a ún de los productos más emblemáticos de la nuesa comunidá autónoma”.

Dende Podemos consideren que la Conseyería tien de sofitar l’equipamientu, y una de les formes de faelo, ye apostar por facilitar les visites. “La siñalización sirviría pa informar a los  conductores de la llocalización del muséu y de la esviadura a tomar p’aportar al mesmu, siendo coles mesmes un sofitu pa promocionalu énte posible turistes, nun momentu nel que l’equipamientu nun pasa polos sos meyores momentos tocantenes a númberu de visitantes· indicaron nun comunicáu.

(Visited 1.475.681 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies