Inicio > AS > Noticies > Siete Medalles pa Grupu El Gaitero
Noticies

Siete Medalles pa Grupu El Gaitero

Más reconocencies pa la sidre asturiano en “The Bath & West International Cider Competition 2017”

LA SIDRA.- Enantes yá diéremosmos la noticia de les reconocencies llograes por Trabanco nos premios “The Bath & West International Cider Competition 2017” –tamién conocíu col nome de “The Greatest Cider Show on Earth”. Nesta ocasión informámosvos qu’El Grupu El Gaiteru, que competía en delles categoríes, reforzó la so posición con siete medalles -trés plates y cuatro bronces-, siendo la empresa más premiada d’Asturies y del territoriu español y una de les más reconocíes a nivel mundial.

 

Esta competición, que tuvo llugar nel marcu del “Bath & West Show” -l’eventu más importante dedicáu a l’agricultura y la vida rural d’Inglaterra- reconoció asina la innovadora tradición del grupu, un referente mundial dientru’l seutor agroalimentario. Les gallardonaes en ca categoría fueron:

Sidre tradicional: Medalla bronce pa El Gaitero Etiqueta Negra, de la que valoraron bien positivamente la so acidez cruxente y la so xugosidá en boca.

Sidre “Nuevu Mundu”: Medalla plata pa Pomarina Brut, de la que destacaron les sos notes a piescu, albaricoque y naranxa sanguina y el so perfechu equillibriu. A esta otorgaren-y un 5 en saborgu.

Sidre formientao: Medalla plata pa Pomarina Brut y medalla bronce pa Valle, Ballina y Fernández, apreciada polos sos arumes cítricos”.

Sidre español y Sidre al estilu español (?!!!!): Medalla plata pa Sidre Natural El Gaitero na que resaltaron el so “interesante puntu picante”; y medalla bronce pa Pomarina Natural de la que dixeron que tenía “alcordanza a tarta” y Pomarina Natural Tradicional que s’estremó pol saborgu y arumes a “pura mazana verde cruxente”.

Pa María Cardín, direutora comercial, esti trunfu significa “una gran allegría, la reconocencia a la pasión y al esfuerzu”. “Y de xacíu, dar a la sidre asturiano’l valor que merez”.

(Visited 721.346 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies