Inicio > Internacional > Sidres de la India
InternacionalLlagaresSidreturismu

Sidres de la India

Tempest, Bhai e Himachal son les sidres más representatives del país asiáticu.

LA SIDRA.- Pué paecer estraño falar sobro sidre na India, pero esta tradicional bébora dende fai 2.000 años acaba d’entrar nel mercáu’l país.

“Nos últimos años, hebio una renacencia del interés nel consumu de sidre, tantu n’América como n’Europa, daqué a lo qu’India nun podía permanecer ayena por muncho tiempu”, dixo apocayá’l produtor de sidre Tempest, Dinesh Gupta.

El so llagar ta asitiáu nes famoses llombes Shimla, parte de la mayor zona productora de mazana de Himachal Pradesh. El saborgu y arume natural de la mazana caltiénse na sidre porque’l clima favorez el so cultivu. Utilicen agua natural de manantial y maquinaria Della-Toffola pa tol procesu de filtráu. Col fin de caltener el saborgu únicu de les mazanes recién pañaes el productu nun se pasteuriza.

Bhai, cuya torna lliteral del hindi ye “hermanu” tien un sinificáu más ampliu qu’espresa amistá y respetu. Y el proyeutu ye la hestoria de dos collacios, que reflexa un padremuñu compartíu: India, coles sos pumaraes enclavaes nes fasteres del Himalaya, ya Inglaterra, cola so rica tradición sidrera y amor pola xinta especiada. La resultancia ye un productu qu’ufierta un paladar enfrescante y marida perfechamente coles especies.

Pero esta hestoria ye sobro muncho más que la sidre. L’ambición a llargu plazu de los collacios ye costruyir una marca global pa invertir en delles de les zones más probes de la India.

La sidre Himachal usa augua puro de los montes del Himalaya y les meyores, internacionalmente famoses mazanes que xorrecen nel estáu indiu de Himachal Pradesh, pa criar una auténtica sidre de tipu afrutao y llixeramente esplumoso.

Ufierten un productu artesanal a piqueña escala que se distribúi principalmente en chigres y restoranes de la fasera de Yorkshire y Lancashire, pero ca vegada más disponible en tol Reinu Xuníu.

(Visited 2.465.266 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies