Inicio > Eventos > Sidres asturianes nel Chicago Cider Summit
EventosInternacionalLlagaresSidreturismuTasties

Sidres asturianes nel Chicago Cider Summit

El certame cellebróse’l sábadu cola presentación de sidres de tol mundiu.

LA SIDRA.- The Jam, un programa matutín de la canal independiente de televisión WCIU de Chicago, entrevistó a Brian Rutzen, el director de sidre de The Northman, pa falar del Cume de Sidre de Chicago.

Preguntáu sobro’l tipu de bébora que ye la sidre, y si ésta ye similar a la cerveza, desplicó la forma en que se formienta y que los procesos d’ellaboración de la sidre tán íntimamente amestaos al vinu.

Dempués comentó qu’el Northman, el primer chigre de Chicago, abrióse va dos años y que vienden alrodiu de 120 sidres distintes de tol mundiu.

Y depués entró na tema del Cider Summit: un eventu sidreru estremáu en dos sesiones (de 11 a.m. a 3p.m. y de 4 p.m. a 8 p.m.) cellebráu nel Navy Pier el sábadu 17 de febreru, cola participación d’alrodiu de 200 sidres de too el mundiu.

Dixo que yera una gran oportunidá pa tastiar nueves sidres, una y bones les tasties taben incluyíes, y ver y mercar marques de sidre que de normal nun tán disponibles nel país.

Darréu, los presentadores empicipiaron a tastiar amueses de sidre: avieyada, perea inglesa, de ráspanu ya sidre francesa. Y, finalmente, como colofón, presentóse la sidre asturiano.

Brian Rutzen, con sidre Riestra xustu delantre d’elli demientres tola entrevista, acabó coyendo la botella y echando a la nuesa manera tradicional, pa sorpresa y prestu de toos.

Les sidres presentaes na mesa 11 del Cume fueron:

Fanjul Sidre Natural
Guzmán Riestra Sidre Brut Nature
Viuda de Angelón Sidre 1947
Viuda de Angelón Sidre de Pera

 

 

(Visited 559.959 times)
A.M.V.
https://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies