Inicio > Chigres > Sidrería La Portiella: sidre y bon comer pente la mar ya’l monte
ChigresEncamientosGastronomía

Sidrería La Portiella: sidre y bon comer pente la mar ya’l monte

Les vistes dende La Portiella son ún de los sos reclamos. Algamando mar y monte, colos cantiles de Tereñes a los pies y cerca de Ribeseya, esti míticu merenderu ye de visita obligada tol añu

LA SIDRA.- Va pa 30 años que La Portiella ta en manes de la mesma familia. Los cuatro hermanos, Eva, Susana, Ramón y Alejandro, qu’agora lu lleven, ayudaren siempres en casa, mientres estudiaben, y a la xubilación del so pa, en 1997, garraron el relevu.

El so estilu ye’l mesmu dende l’entamu, cocina asturiana con productos de la rodalada. Tapes variaes, carnes y pexes del Cantábricu.

Comu especialidaes de la casa destaquen les tortielles, la fabada y les verdines con amasueles. Tamién resalten el cabritín guisáu y por supuestu los pexes de la cercana mar, preparaos al fornu.

En cuantu a sidre, ufren JR tantu la normal comu la DOP L’Ynfanzón D.O.P, “que tien los sos veceros”, porque esti llagar, afirmen, tien siempre una sidre que se adapta a les sos necesidaes y gustos.

“Debemos llevar lo menos 30 años con JR y siempre nos atendieron muy bien, primero con Amador y agora con Juan que siempre mos asesora nes dubies que teamos. Nun tenemos otros palos. Gústanos la sidre suavino”.

Procuren echala pero considerando les dimensiones del merenderu, ye d’entender que tamién usen aparatos.

Allugá nuna zona perturística, pente los sos veceros hai muncha xente de fuera, de Madrid, Euskadi… asina como d`Uviéu, Xixón o les Cuenques, pero los llocales tampocu nun falten na so sidrería.

 

SIDRERÍA LA PORTIELLA. Ctra Tereñes 67. Tereñes. Ribeseya T. 985 85 83 63

 

 

(Visited 2.464.513 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies