Inicio > Chigres > Sidrería El Ñeru, embaxaor asturianu en Madrid
ChigresEncamientosGastronomíaSidreturismuTasties

Sidrería El Ñeru, embaxaor asturianu en Madrid

El restorán lleva más de 30 años dando a conocer l’auténtica cocina asturiana na capital.

LA SIDRA.- Corría l’añu 1974 cuando Vicente Casu, natural de Cangues d’Onís, en pasando seyes años en Madrid decide ponese al frente del Restorán El Ñeru, gallardonáu con dellos premios y ún de los embaxaores permanentes de la cocina asturiana na ciudá.

Asitiáu al llau de la Plaza Mayor, el restorán, que puede allugar fasta 200 comensales distribuyíos en dellos comedores, ta decoráu al estilu d’un típicu chigre asturianu, y na so barra puen tastiase toa triba de raciones acompangaes de sidre natural Cortina.

Ente les sos especialidaes atópase la fabada asturiana, gallardonada como la Meyor Fabada del Mundiu 2015, fabes con amasueles, pote asturianu, callos a l’asturiana, croquetes de Cabrales, salmón o merluza a la sidre y arroz con llechi.

Esti añu tornará participar, xuntu con otros 47 restoranes, na famosa Ruta de la Fabada que se cellebra,  per primer vegada, de forma simultánia en Madrid y Asturies del 2 al 18 de febreru.

(Visited 2.466.009 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies