Inicio > Chigres > Sidrería Casa Tataguyo, un nuevu sol n’Asturies
ChigresEncamientosGastronomía

Sidrería Casa Tataguyo, un nuevu sol n’Asturies

El famosu restorán avilesín, xuntu con Arbidel y Casa Consuelo, nuevos na Guía Repsol.

LA SIDRA.- La nueva guía Repsol 2018 incluyó a trés nuevos restoranes asturianos nes sos páxines, sumándose asina a otros 17 establecimientos del país encamentaos na famosa guía de carretera.

Casa Consuelo en L.luarca, Arbidel en Ribesella y Casa Tataguyo n’Avilés fueron destacaos con un sol, que los estrema pola so cocina variao y de calidá.

La hestoria de la sidrería avilesina, asitiada na Plaza del Carbayedo, remóntase a 1845, cuando la Tataguya yá esistía como fonda y casa de xintes sol nome de Casa Campanal. Más sero, en 1905, convertiríase en casa Tataguyo, nome que caltien anguañu, con Juan Rivero Santamaría como propietariu dende 1985.

La sidrería entá caltien carauterístiques de la cocina tradicional d’antaño, como los sos conocíos callos y guisos, ente los que s’atopa’l so platu estrella, la llonganiza casero con pataques.

Tamién destaca la calidá de la so materia primo, incluyendo pexe y mariscu de los puertos d’Avilés y Cuideiru, les carnes roxes y los quesos asturianos y l’incorporación de platos de temporada, más innovadores pero fieles a los sos principios.

Como anéudota, entá se recuerda’l pasu del actor Brad Pitt pol local, onde fixo una parada pa tomar sidre ya inclusive atrevióse a echala.

(Visited 911.639 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies