Inicio > Cultura sidrera > #Sidrepelmonte, culinos d’altor
Cultura sidrera

#Sidrepelmonte, culinos d’altor

@Teyastur, @Sidrasporelmundo y @Corequim son tres instagramers que xunen les sos fuercies pa proponer un retu que namás podría facese n’Asturies y nel que la revista LA SIDRA premiará con una caxa sidre a quien más “préstame” reciba col hastag #sidrepelmonte

Si echamos una güeyá a los instagram d’estos tres influencers decatarémonos que lo d’ellos ye llevar la sidre consigo a los llugares más insospechaos, preferentemente con paisaxes espectaculares de fondu, compartiendo nes redes la so esperiencia.

Asina podemos topar en @Teyastur a Raquel tomando sidre, lliteralmente, per toa Asturies, nel so retu #sidrax78conceyos, nel que visitó tolos conceyos, o a Víctor Manuel (@Sidrasporelmundo) echando un culín no más fondo d’una cueva, no alto d’un monte o nun estadiu de fúbol, pente otres munches llocalizaciones más o menos improbables.

La sidre nun falta tampocu nes semeyes y vídios de @Corequim, a la que vemos tantu no alto Peña Castil comu nel Llagu Somiéu, nel Estorbín o nel mesmísimu Monte Aneto: ta nidio que falamos d’una echaora de munchu altor.

Ellos tres son los xueces y principales cómplices de la revista LA SIDRA nesti concursu, premiáu con una caxa Sidra Roza, la Meyor Primer Sidre l’Añu 2022. L’únicu requisitu pa concursar ye recoyer nuna semeya l’intre en que s’eche un culín nel monte, vezu más espardíu de lo que se podría creyer, xubila a redes, etiquetar a @revistalasidra y poner l’hastag #Sidrepelmonte.

Seique nun ye requisitu imprescindible, presta más si se dexa ver la etiqueta de la sidre montañera. El retu entama el prósimu mes de xunu y durará tol branu, depués de lo que se premiará a aquella semeya que más “préstame” recibiere nesti tiempu.

(Visited 1.421.020 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies