Cellebraráse del 9 al 11 d’avientu na segunda planta del Cientru Comercial Los Fresnos.
LA SIDRA.- La llamada ‘Trastienda de Trabanco’ va ser ún de los puntos de la ciudá onde va poder tastiase sidre esplumoso demientres estes feches. Dichu eventu desendolcaráse del vienres 9 al domingu 11 d’avientu nel Cientru Comercial Los Fresnos en Xixón. Nesi mesmu llugar, tamién va poder tastiase l’apertivu semisecu de Valnera, una bébora ellaborada con zusmiu de mazana, con bouquet dulce, y un llixeru arume a frutes del monte y chocolate. Otros productos que podrán prebase tamién van ser el zusmiu de mazana Zen, y la sidre en llata Swin, dambos de Foncueva.
“’El Mercáu del Sibarita”, un eventu que va axuntar esta fin de selmana más de 200 productos delicatesen de tol mundiu. L’orixe de la idega surdió al contemplar cómo les grandes ciudaes cunten con mercaos gastronómicos bien curiosos y permanentes, mentes que n’Asturies nun se llograba executar proyectu dalu nesi sen’ siñalen dende Gustatio, la entidá entamaora.
Los precios de vienta van ser populares, más cercanos a los d’una tienda qu’a los d’un restorán. En rialidá va haber una zona de market, como si fueren tiendes, y otra zona de degustación, con 60 meses y 150 sielles por que los asistentes puedan sentase y saborguiar les estremaies creaciones.
La entrada ye gratuita y l’horariu sedrá de 12 a 22:30 hores del vienres 9 al domingu 11 d’avientu. Habrá habilitada una fastera pa neños al cargu de La Cometa Verde. Nel eventu tamién collaboren García Rodríguez Hermanos y Pando Floristes.
