Inicio > AS > Encamientos > Sidre y mesa en Cimavilla
Encamientos

Sidre y mesa en Cimavilla

Casa Rober, nel barriu altu xixonés.

LA SIDRA.- Con ocho años d’esperiencia na hostelería, Costel Tudor lleva dende avientu de 2013 al frente la so propia sidrería nel mesmu barriu altu de Cimavilla, consiguiendo col so bon facer que’l so chigre seya llugar de visita obligao pa los amantes de la sidre y la bona mesa cuandu se visita esta zona.

Cocina asturiana con menús diarios y de fin de selmana con precios de 12 y 15 € respeutivamente. Con una impresionane rellación calidá / preciu la carta ye bien variada, con pexe del Cantábricu, arroz, llámpares y pulpu amariscáu ente otres especializaes, ensin escaecer el so cachopu, del que se vanagloria con razón, yá que tolos veceros afirmen que posiblemente seya’l meyor cachopu de Xixón.

Cunta con dos terraces y un comedor interior bien afayaízu. Nesti chigre pue pasase un bon ratu tomando sidre y esfrutando tola variada cocina de que dispón, y cómu non, echando un cantarín si se ta pa ello.

 

No que cinca a la sidre, Trabanco normal y d’Escoyeta, son la so marca d’identidá dende qu’entamó y cuya calidá nun-y ufre dubies. Sidre bien acuridiao y qu’en Casa Rober traten con tol ciñu pa poder esfrutar de toles sos cualidaes.

 

Sidrería Casa Rober. Rosario, 14 Cimavilla. XixónT. 984 198 627

 

sidre, sidra, sidro, cider, cidre, sagardoa, Apfelwein, Píngguǒ jiǔ, cidro, siideri, seidr, leann úll, Saidā, sider, jablečné víno, jabłecznik, sydr

(Visited 620.146 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies