Inicio > AS > Noticies > Sidre Trabanco igua los sos toneles y los sos llagares de maera
Noticies

Sidre Trabanco igua los sos toneles y los sos llagares de maera

El llagar caltien activos ocho llagares de manera, de los más antiguos qu’esisten en furrulamientu n’Asturies.

LA SIDRA.- La mazana yá escomenzó a pañase en Llavandera. Esta collación de Xixón ye nestos díis un dir y venir de mazana, tractores y llabraores, que s’entemecen con turistes que nun se quien perder l’espectáculu de ver descargar la mazana, la so llavadura, prensado, y por supuestu, prebar la sidre dulce.

Sidre Trabanco nel so enfotu por caltener la tradición caltien dos actuaciones que pasu ente pasu van esapaeciendo nel país. Per un llau’l caltenimientu y reforma de los toneles, que ta siendo llevada a cabu estos díis, col so correspuendiente desmontaxe, asina como sustitución de duelles y aros. Y per otru llau la preparación de los llagares, de los más antiguos de los qu’esisten nes fábriques de sidre asturianes y l’únicu que caltién ocho n’activo.

 

Ello implica defender la forma d’ellaboración tradicional, que ye la que consideren, en pallabres del mesmu xerente Samuel Trabanco, “la meyor opción pa consiguir sidre de calidá, ye muncho más llaborioso too y más lento, pero’l resultáu ye una sidre más fino y con más saborgu, colo que paga la pena l’esfuerzu”. “Tamos énte un añu difícil, con poca mazana, y va ser bien importante tener bonos provisores, nós trabayamos con presones que mos dan garantíes y a los que-yos aseguramos la compra añu tres d’añu”, señala Samuel.

La pañada de la mazana ta nel so apoxéu en Asturies, y va enllargase fasta metarnes de payares. Trabanco señala qu’utiliza mazanes distintes pa les sos diverses sidres, introduciendo en depósitos d’aceru Regona y Raxao, que van ser destinaes al brut nature Poma Áurea, escoyendo les variedaes de les sos propies pumaraes pa la etiqueta negra, “Collecha Propia”, que garantiza l’orixe asturianu del productu, y una gama más amplio y variao pa la conocía etiqueta mariella.

(Visited 840.832 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies