Inicio > Internacional > Sidre para tolos gustos
InternacionalLlagaresTasties

Sidre para tolos gustos

Anguañu podemos topar toa triba de sidres nes grandes superficies.

LA SIDRA.- La sidre nun ye namás natural y de mazana. Eso ye lo que camienta una amplia mayoría d’asturianos, que considera esti tipu de sidre como l’únicu propiu.

La variedá d’esta bébora ye por demás amplia y grandes superficies como Carrefour, que ponen en valor los productos asturianos, avérenmos a otres tribes de sidre, bien autóctona, bien d’otres países.

Por ello ufiértennos un gran variedá de sidres para tolos gustos. La mayor parte natural, de mazana y asturiana. Pero tamién sidre de pera, esplumosa, gallega, vasca ya internacional.

Asina podemos atopanos sidre natural Menéndez, Trabanco, Foncueva, Camín, Cortina, Panizales, Castiello Bernueces, Fonciello y Frutambar de Cuadonga. Camín y Foncueva Seleición; DOP Vald’ornón, Llaneza o Villacubera; Brut Pomarina, Poma Áurea y Sidru’s reserva; esplumosa El Gaitero nes sos variedaes etiqueta de plata, oru y negra y Norniella.

Tampoco nun falten les sidres ensin alcol como Sidra dulce Castiello Bernueces, Eva o El Gaiteru; sidres de aperitivu Roxmut y Viesk; sidre ecolóxico Cortina; ya inclusive sangría de sidre Sidría.

Y non yá en botella grande, tamién en formatu 1/3 como El Gaiteru, El Gaiteru ensin alcol, Eris Brut o Ávalon; o en llata de 25 cl. como El Gaiteruoo Swin de Princider.

Si queremos llevanos una alcordanza d’Asturies, tamién s’ufierten packs de dos sidres con vasu serigrafiau de Val d’Ornón, Menéndez o Ferrería. Y caxes de 6 botelles de Cortina, Villacubera, Foncueva, Cuadonga, Ferrería, Trabanco, Norniella o El Gaitero.

Tamién podemos tastiar sidres de fora d’Asturies, como The Good Cider, nes sos versiones de mazana, pera o frutos monteses; Maeloc de mazana, mora, seca o ensin alcol; o Lladrón de Mazanes, la “cider” de Heineken España.

Y, a nivel internacional, la inglesa Strongbow, la irlandesa Magners o la sueca Kopparberg nes sos versiones de pera, miruéndanu ya llima, variada de frutes o frutos monteses.

¡Tou un mundiu de saborgos al nuesu algame!

(Visited 2.466.632 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies