Inicio > Llagares > Sidre Oiharte. DOP Euskal Sagardoa
LlagaresOpiniónTasties

Sidre Oiharte. DOP Euskal Sagardoa

El gupu sidreros y tastiaores qu’aconceya davezu na Sidrería El Tayuelu d’Uviéu tolos xueves tuvo la oportunindá por xentileza del ellaboraor de la sidre Oiharte, de poder tastiar delles botelles de la so nueva sidre con Denominación.

LA SIDRA.- La botella, como davezu, ye de 75 cl, coun un grau alcólicu de 6,5% presentada con un capuchu colloráu qu’identifica la DOP col anagrama de la XE y que pon amás Euskal Sagardoa.

Pasamos a la tastia, pesia tener un tapón pa echar onde recomienda faelo a unos 30 cm. Del vasu, ficimos tamién l’echáu tradicional y por supuestu servímosla sobro unos 14º C yá que n’Euskadi la sidre sírvenlo demasiadamente frío, ente 10º C y 13º C, lo que fai qu’abrra mal y enmazacare l’acidez y l’amargu que ye lo más carauterístico.

Col echáu tradicional como n’Asturies, la sidre abre bien, espalmandeo correchamente, dexando un llixeru peguen nel vasu. Perarumosa, a fruta fresco, con unos ácidos y amargos equillibraos, que facíen un bon pasu en boca con una primer referencia de secante, que nun persistía, coincidimos en que yera una sidre mui inusual pa les sidres propies del País Vascu, onde persisten más los amargos y l’acidez volátil ye peralta. Ye una sidre mui al nuesu gustu y por supuestu mui a les nueses carauterístiques, situación que ye tendencia, ello ye, que se paezan más a les asturianes, más comercial daes les sos carauterístiques.

Al marxe del analís de les botelles que prebemos, echemos en falta el que les etiquetes nun tovieren un númberu, nin hubiere dengún sellu identificativu de l SOP, quiciavis por mor de que tan nuna fas inicial, namás sabemos que ye sagardoa pol capuchu. Nes etiquetes, eso sí, ponse que ta ellaborao con mazanes producíes n’Euskadi.

Hai que tener en cuenta que la DOP Sagardoa escomienza como tala en 2017, poloque les sidres ellaboranes cola collecha del 2016 ye difícile que pasaren los controles a los qu’obliga’l reglamentu de la DOP en cuantes al orixe de les mazanes.

De toes formes, y en cuantes a la tastia d’esa sidre en concreto nun ponen en dubia la so calidá. Felicidaes a Sidre Oiharte pol so productu.

(Visited 2.466.720 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies