Inicio > AS > Noticies > Sidre na Nuechi Máxica de San Xuan
Noticies

Sidre na Nuechi Máxica de San Xuan

El Campionatu Oficial d’Echaores enartóse dientru les actividaes de la fiesta de Mieres del Camín, pero queda muncho más.

LA SIDRA.- El Campionatu Oficial d’Echaroes tevo la so segunda parada na llocalidá de Mieres de Camín, dientru les actividaes que se realicen por cuenta de la Fiesta de San Xuan que lleva a cabu nel conceyu de 16 a 24 de xunu. Asina, nesta competición que se rializó na Plaza Requexu, Wilkin Aquiles quedó en primer llugar con 116,3 puntos; el segundu puestu foi para Salvador Ondón que llogró 115,8; y el terceru n’entrar al podiu foi Jeison Franco con 115,4. Jonatan Trabanco, Pablo Suárez y Marcos Ramos quedaron en cuartu, quintu y sestu puestu respeutivamente.

El concursu escomenzó un pocu acullá les cinco y media la tardi. El motivu obedeció a que Televisión  Española quería tresmitir en direutu l’alcuentru. Pero inda queden abondes actividaes a les qu’asistir nes Fiestes de San Xuan.  Güei, díi 23, víspora de San Xuan, ye, ensin dulda, la xornada más tradicional y máxica de toles fiestes, cola foguera y la Danza Prima como grandes protagonistes de magar la medianuechi.

 

Enantes, de magar les 19 hores, l’enrame de les fontes y la cargüeñá col so desfile van recordamos a toos y a toes que la nuechi más máxica yá llegó y con ella’l momentu de tirar a la foguera los deseos o lo que queremos quemar y coyer de la man de quien teamos al llau pa baillar alredior del fueu. Tradiciones de San Xuan qu’enllenen de xente y maxa la Plaza del Conceyu mientres la nuechi y l’alborada del 23 al 24 de xunu.

Per otru llau, dos grandes conciertos previstos nel Parque Xovellanos tamién van ser los protagonistes de la fin de selmana. L’alborada del sábadu, de magar la 1, va ser Chenoa la encargada de poner la banda sonora a la nuechi máxica colos sos cancios más conocíos. El sábadu 24, a les 22.30 hores y tamién nel parque, va ser la vez d’otru conciertu cargáu d’alcordances y emociones y que se-y llamó “Queremos abrazate tanto: tributu a Víctor Manuel”. Una cita na qu’artistes y músicos asturianos van poner sobro l’escenariu los cancios del mierense, munchos de los cualos formen parte de la memoria colleutiva.

(Visited 2.464.927 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies