Inicio > Encamientos > Sidre en porciones
EncamientosGastronomía

Sidre en porciones

La empresa asturiana Pizzastur ellabora pizzes artesanales nes que nun escaez la sidre.

LA SIDRA.- En trabayando n’una pizzería d’Uviéu onde utilizaben la sidre pa macerar los sos ingredientes, Iván Castillo López, xerente de Pizzastur, decidió abrir la so propia empresa nel barriu xixonés de La Calzada.

Trés meses dempués, en xunu de 2013, treslládase a la Carretera Carbonera, en Contrueces, para allantar los cielos la boca xixoneses coles sos ellaboraciones artesanales dafechu nes qu’utilicen productos llariegos y provisores asturianos, incluyía la masa ellaborada por un obrador xixonés.

Ye imposible nun afitase nel orixinal abanicu de pizzes qu’ufierten, especialmente naquelles qu’utilicen la sidre como ingrediente principal. La más demandda, tres la Pizza Criolla, ye la Pizzastur, ellaborada con salsia carbonara, mozzarella, quesu azul, compota de mazana, nueces y sidre.

Tampoco nun se queda atras la pizza de Sidre al Cabrales, na que s’inclúi cebolla carambelizao. O l’Afuega’l Pitu, con quesu cabra y compota mazana.

Y pa rematar, siempre tenemos la posibilidá de tastiar una deliciosa mousse de sidre’l duernu.

Entrugáu pola forma d’ellaboración de les pizzes sidreres, Iván cúntamos que, por mediu d’una botella difusora, atomízase sidre Menéndez na pizza xustu enantes de ser metía nel fornu. Col calor, l’alcol sume, pero’l gustu caltiénse.

Y si hai dalgún ingrediente que nun ye de nuesu agráu  siempre pues quitar o sustituyir, una y bones la versatilidad ye otru de les pegollos d’esta empresa: la pizza, siempres al so gustu.

Anguañu esisten proyeutos d’ellaborar nueves pizzes con sidre, anque primero van ser testaes por Iván Castillo y el so equipu, pa comprobar l’efeutu que puen provocar nel mercáu.

Pel momento, amuésense bien arguyosos del ésitu llográu y ya va añu y medio que decidieron ampliar la so ufierta gastronómica a Llugones. ¡Bona suerte!

(Visited 2.465.379 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies