Inicio > AS > Noticies > Sidre en Lata
Noticies

Sidre en Lata

El Gaitero presentará n’Alimentaria la so sidre en lata

LA SIDRA.- El llider de la sidre a nivel estatal (32 Ml en 2015, sigún Alimarket), continúa apostando pola anovación con esti nueu envase col que fai por averar la sidre a la mocedá, dientru la dinámica internacional d’asimilar la sidre a la cerveza.

Esta nuea sidre presentaráse n’Alimentaria, una de les principales feries internacionales de l’alimentación que se desendolca en Barcelona esta prósima selmana. Trátase d’un formatu bien avezáu a nivel internacional, y que yá cunta com precedentes nel nuesu país comu la sidre Lagar (Fuensanta) o la mesma Champanera de Villaviciosa, que tamién comercializó sidre nesi formatu.

 

Llamentablemente, y comu yá pasare col botellín que tienen nel mercáu, nesti formatu El Gaitero renuncia a la so condición d’ellaboraor de sidre asturiano, ya identifica a la so sidra comu “Spanish cider”, lo que quiciás seya rentable a nivel internacional, pero que perxudica abondo a la sidre asturiano, xenera confusión falando d’una inesistente sidre española, y fai perder puxu a la marca “Asturies” a tolos niveles, lo que nun dexa de ser sinificativo nuna empresa que dende’l sieglu XIX lleva comercializando “Sidra Asturiana”.

(Visited 2.464.539 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies