Inicio > Internacional > Sidre en cinco testures
InternacionalTasties

Sidre en cinco testures

Distintes formes d’esfrutar la sidre.

LA SIDRA.- Toos probemos la sidre esplumoso y la natural. Pero la variación carbónica ye más qu’una simple custión de presencia o ausencia, yá que tamién tien que ver cola formientaura y les llendes llegales.

Éstos son los cinco tipos que pueden atopase nel mercáu:

Natural

Significa sidre que nun ye carbonatada. Siendo un tipu de sidre popular n’Inglaterra, les sidres naturales son clásicos que s’atopen principalmente abargana de los llagares onde s’ellaboren.

La sidre asturiano ellabórase y embotéllase de forma natural, anque se produz cierta fervencia al sirvila. Ello ye porque la nuesa sidre échase dende ciertu altor y cute les parés d’un vasu especial, finu y anchu, lo cual ventila’l líquidu y confier llixereza a la tradicionalmente aceda sidre.

Métodu xampán

El métodu más utilizáu pa formientar sidres en Francia, y tamién la forma más cara d’añedir presión a la sidre. Dempués d’una primer formientaura, amiéstase al mostiu más zucre y lleldu, córchase y almacénase.

Una vegada que’l lleldu muerre, el llagareru entama los procesos d’esclariáu y degüelle. Les botelles vóltiense, poniendo’l pescuezu, que darréu conxélase, escontra baxo, descórchase y la sidre efervescente dispara’l lleldu muertu. Dempués, amiéstase llíquidu pa enllenar la botella y córchase.

El llíquidu resultante ye ricu en borbolles diminutes, asina que la sidre caltiense esplumosa.

Carbonatación forzada

La manera más común de carbonatar la sidre nos Estaos Xuníos y Canadá. Les borbolles d’estes sidres créyense con máquines especiales, tales como pipes forníes con piedres de carbonatación.

La carbonatación forzada produzse de cutiu cuando’l productu ta cuasique termináu. Asina que la creación de fervencia ye un agregu, más qu’una parte de les característiques inherentes del llíquidu. La resultancia son borbolles más grandes, que sumen rápido, animando a una puesta inxesta primero que la sidre pierda la so espluma.

Métodu pipa

Similar al métodu xampán, ye una forma más barato, pero efeutiva, de crear fervencia na sidre. Nesti casu, sométese a la sidre a una segunda formientaura n’una pipa grande, en cuenta d’en botelles individuales. El sedimentu cai al fondu la pipa y el lliquidu pue corchase ensin esclariáu nin degüelle.

Esplumación natural

Con gas, pero ensin la concentración de CO2 que s’atopa nes sidres ellaboraes col métodu xampán, les sidres pét-nat (del francés pétillant-naturel) ellabórense en Norte América. Déxense lleldar en botella y córchense con un tapón de corona, asina que caltienen el sedimentu creáu demientres el procesu formientaura.

(Visited 2.465.060 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies