Inicio > Llagares > Sidre Castañón estudia la ellaboración d’una sidre brut
Llagares

Sidre Castañón estudia la ellaboración d’una sidre brut

Tres el llanzamientu de la so sidra “frizzante”, inspirada nel moscazo italianu, el llagar apuesta por un nuevu mercáu.

LA SIDRA.- Alfredo García Menéndez, dedicáu al tresporte de viaxeros entre Quintes y Xixón, pierde’l so trabayu al ser confiscáu’l so autocar demientres la Guerra Civil. Dos años más tarde apaez inservible en Valladolid y, coles 12.000 pesetes que-y paguen pola so vienta, decide costruyir un llagar de sidre.

Asina escomienza l’andadura del llagar Castañón en 1938. Anguaño, trés xeneraciones dempués y en camudando’l so allugamientu de Quintes a Quintueles por motivos d’ampliación de les sos instalaciones, Sidre Castañón ye un referente dientru’l mundiu de la sidre asturiano.

Julián Castañón defínese como un apasionáu de los procesos que s’escuenden tres la ellaboración de la sidre y, cómo tal, apuesta pola innovación presentando productos distintos a la tradicional sidre natural.

Dempués del ésitu llográu pola so sidre vermút Roxmut, que yá conquistó’l paladar de los consumidores en menos de dos años, y de la so sidre d’aguya Xiz, perafayaíza p’acompañar xintes llixeres y aperitivos, estudia la presentación d’una sidre brut que cumpla coles mires del mercáu a entamos de 2018.

Una de les claves del ésitu d’este llagar ye cuntar con un presonal especializáu, como’l biólogu Pedro Ramas o la encargada de les visites guiaes, Marta García Miranda.

(Visited 2.464.629 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies