Inicio > AS > Noticies > Sidre asturiano nel Festival Intercélticu d’An Oriant
Noticies

Sidre asturiano nel Festival Intercélticu d’An Oriant

La omnipresente sidre preséntase énte’l públicu internacional nel típicu formatu de botella y en cañeru.

LA SIDRA.- Nesti Festival Intercélticu na carpa-restorán d’Asturies apaez un formatu de venta de sidre que ta puxando por salir alantre nel nuesu país y que ya se punxo en práutica nel estranxeru. Foi en Breizh onde por mor de la so facilidá pa sirvilo y lo avezao que ta la xente a les cañes, onde trunfó dafechu esti sistema, al que ya tamos avezaos cola cerveza.

Pente los asturianos ca vegada ye más normal pidir la sidre de cañeru per onde la heba, y esti formatu va ganando terrenu nun seutor qu’asemeyaba tar llimitáu a la cerveza. Xente d’Irlanda, Bretaña, Gales, Cornualles o cualesquier de los países celtes que participen equí afáyense perbién con esti sistema, al qu’avecen a ver nos sos respeutivos países n’otros festivales y tabiernes.

Pero como nun podía ser d’otra miente, la mena tradicional del escanciáu nun se pierde, y nun ye daqué raro ver a dalgún asturianu deprendiendo-y a char sidre a un foriatu, de xuru más cómodu col formatu cañeru pero con verdaderu envís de participar d’esta vistosa tradición de nueso.

El mundiu de la sidre avanza, non nuna sola direición sicasí en munches a la vegada, ya ehí atópase’l finxu del so ésitu ya internacionalización.

(Visited 2.465.005 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies