Inicio > Chigres > Sidra Huerces Meyor Primer Meyor Sidre l’Añu 2021
ChigresCultura sidreraEventosLlagaresPSLATasties

Sidra Huerces Meyor Primer Meyor Sidre l’Añu 2021

(Semeya, pela izquierda: Los xuraos, Manuel Castro, Joaquín Fernández, Cristina Norniella –en representación de Sidra Huerces–, Ana María Viciosa, Luis Ceferino, Manuel G. Busto)

  • Participaron 38 llagares nesta VIII edición cellebrada na sidrería La Montera Picona de Ramón de Xixón
  • La sidre ganador convirtióse na oficial de la Primera Sidre L’Añu que se va cellebrar del 1 al 4 d’abril de forma telemática, pero tamién presencial

LA SIDRA.- Sidra Huerces foi la ganadora de la Meyor Primer Sidre L’Añu. El segundu llugar foi pa Viuda de Angelón y el terceru pa Sidra Riestra. Tamién fueron finalistes Sidra M. Vigón, Ramos del Valle (la DOP de Sidra Fran), J. Tomás, El Piloñu y Agreco.

El xueves 25 de marzu llevóse a cabu la VIII edición del concursu La Meyor Primer Sidre l’Añu con 38 llagares inscritos. El certame, entamáu pola revista LA SIDRA y la Fundación Asturies XXI, tuvo llugar na sidrería La Montera Picona de Ramón, en Xixón. La preseleición escomenzó a les 12:30 hores y nella, n’una tastia a ciegues, escoyéronse les sidres finalistes que pasaron a la final. En total fueron les ocho enantes mentaes. 

A les 18:30 empezó la tastia final coles sidres preseleicionaes. Les bébores probáronse de nueu nuna tastia a ciegues y escontra les 19:30 hores llegóse al siguiente veredictu: Sidra Huerces algamó  94  puntos de 100 posibles, Viuda de Angelón llogró 80 y Sidra Riestra, 79.

El xuráu tuvo presidíu por Manuel G. Busto, y costituyíu por Joaquín Fernández, Manuel Castro, Ana María Viciosa y Luis Ceferino. L’asistencia a les deliberaciones foi abierta al públicu siguiendo les midíes de seguranza de les autoridaes sanitaries.

Pa echar la sidre cuntóse con Alejandra Venegas de La Montera Picona de Ramón, participante davezu nel Campionatu Oficial d’Echaores d’Asturies.

D’esta miente, Sidra Huerces convirtióse na sidra oficial de la XI edición de la Primer Sidre L’Añu –PSLA–. La PSLA cellebraráse del 1 al 4 d’abril en de forma telemática y presencial. El premiu a la Meyor Sidre l’Añu ye l’únicu concursu que tien como protagonista la sidre ensin trasegar y que tien retribución económico, darréu que la Fundación Asturies merca al llagar ganador 500 euros en sidre pa ufiertala nes actividaes que realiza dientro de la Primer Sidre L’Añu, como na tastia que se va realizar el sábadu 3 d’abril nel restorán El Duque y el Sidracrucis del vienres 2 que se va realizar per estremaes  sidreríes de Xixón.

Dende va ocho años la revista LA SIDRA y la Fundación Asturies XXI escomenzaron a trabayar pola recuperanza de la sidre ensin trasegar, que práuticamente esaniciárase del mercáu pola industrialización de los llagares y l’aplicación xeneralizada de los trasiegos. Ca vegada son más los llagares que s’animen a comercializar esta triba de sidre y que participen nesti certame.

PRIMER SIDRE L’AÑU / MEYOR PRIMER SIDRE L’AÑU / SIDRACRUCIS / TASTIA GUIADA / IX CONCURSU DE SIDRE CASERO FECHO EN MAERA


(Visited 2.467.842 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies