Inicio > AS > Eventos > Sardines y sidre en Candás
Eventos

Sardines y sidre en Candás

Siete restoranes participaren esti añu na XLVIII Fiesta de la Sardina de Candás, onde miles de presones atarraquitaron el Parque San Antón y alrodios pa degustar más de 4.000 kilos de sardines, ya incontables caxes de sidre.

VER SEMEYES

LA SIDRA.- Los restoranes candasinos Casa Repinaldo, El Xigrín, Brisas Candasinas, El Nordeste y El Llagarón, el gozoniegu La Marina (Lluanco) y el xixonés El Frontón participaron esti añu na XLVIII de la Fiesta de la Sardina de Candás, onde se vendieron más de 4.000 kilos de sardines y sidre asgaya nuna tardi na que’l nuberu aguantó ensin presentase.

Mentes los asistentes esfrutaben de la xinta y la bona compaña, el xuráu presidíu por Pedro Morán (Casa Gerardo) y compuestu por Luis Alberto Martínez (Casa Fermín), Juan Rivero (Casa Tataguyo), Abel Terente (El Asador de Abel) y Eduardo Méndez Riestra, presidente de l’Academia de Gastronomía Asturiana debatíen, tres una tastia a ciegues, pa dar a conocer el restorán ganaor d’esta apasionante edición.Nun había tiempu pa los niervos, yá que’l festival taba en plenu afervollamientu y los puestos nun daben abastu pa sacar les sardines. A la fin, tres la delliberación del xuráu, esti añu, los gallardones recayeron en tres restoranes candasinos. La Sardina d’Oru foi pa Brisas Candasinas, mintes que Casa Repinaldo y El Llagarón algamaron respeutivamente, la plata y el bronce. Una distinción pervalorada tanto polos restoranes como polos veceros, yá que supón que nos díis, incluso meses darréu al Festival, seyan munchos los curiosos que s’averena estos negocios pa prebar les sos premiaes sardines.

 

(Visited 2.465.626 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies