Inicio > Cultura sidrera > Salvador Ondó campión d’echaores 2018
Cultura sidreraEventos

Salvador Ondó campión d’echaores 2018

Per cuarta vegada, y trés d’elles consecutives, “El Caballeru Escuru”, como se lu conoz con ciñu nel circuitu féxose col entítulu que lu acredita como’l Meyor Echaor d’Asturies 2018. Una victoria que sigue prestándo-y como la primera.

LA SIDRA.- Ayeri tuvo llugar la entrega premios del XXV Concursu d’Echaores de Sidre 2018, con Salvador Ondó como trunfador por cuarta vegada, y tercera consecurtiva. el segundu puestu foi pa Jeison Franco d’El Madreñera y el terceru Jonathan Trabanco, de Los Portales.

Los tres primeros clasificaos recibieron 500, 300 y 200 euros respeutivamente, y un diploma. Arriendes d’ello la Confradería de los Siceratores d’Asturies engregó la montera d’oru al trunfador.

 

La media de participantes en caún de los concursos ye d’unos 25 echaores, y la mayor participación foi en Xixón con 53 echaores.

Javier Fernández, secretariu d’Otea criticó al “Principado” por refugar l’aniciu d’un grau superior de Gastronomía y allertó dela falta de direutivos con formación pal seutor hosteleru.

El concursu ta entamáu pola Asociación d’Echaores d’Asturies, col padrociniu del Conseyu Regulaor de la DOP Sidre d’Asturies y Caja Rural y la collaboración d’Otea.

(Visited 2.465.707 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies