Inicio > Cultura sidrera > Salón de la DOP Sidre d’Asturies
Cultura sidreraEncamientosEventosLlagaresTasties

Salón de la DOP Sidre d’Asturies

Cellébrase mañana na Feria Muestres de Xixón y nelli daránse a conocer los premios a les meyores sidres acoyíes a la Denominación d’Orixe Protexía

LA SIDRA.- El recintu ferial Luis Adaro de Xixón, na Feria Muestres, acueye mañana martes la décima edición del Salón de la DOP Sidre d’Asturies. L’actu central, nel que se van dar a conocer les cifres oficiales de la collecha 2018 de la Denominación d’Orixe, y les previsiones de xorrecimientu pa esti añu, va desendolcase de 11:30 a 12:15 hores. Demientres el mesmu fadránse entrega de los premios al meyor productor, les meyores sidres en ca modalidá: natural tradicional, penerada y natural esplumosa— y el premiu al embaxador de la DOP Sidre d’Asturies 2019.

Al actu van asistir representantes de los llagares; el Presidente del Conseyu Regulador de la DOP Sidre d’Asturies, Celestino Cortina; la conseyera de Mediu Rural y Recursos Naturales, María Jesús Álvarez; autoridaes y representantes del Conceyu de Xixón; asina como más personal de l’alministración local y autonómica.

En 2018, la DOP Sidra d’Asturies amontó’l so volume de vientes un 73% con respeutu al añu anterior, marcando un nuevu record hestóricu. En 2019 espérase de nueu un xorrecimientu positivu. Los asistentes a esta décima edición del Salón van poder tastiar les nueves sidres con denominación d’orixe protexida Sidre d’Asturies pertenecientes a 27 llagares ellaboraores.

(Visited 2.464.641 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies