Inicio > Chigres > Saliendo de lo típico, hamburguesa n’El Madreñeru
ChigresChigresEncamientosEncamientos

Saliendo de lo típico, hamburguesa n’El Madreñeru

La gastronomía asturiana ye magnífica, pero reconozcámoslo, a vegaes petez un platu más actual, anque namás fuere pa demostrar que la sidre va bien con too.

Por exemplu, una hamburguesa. Pero non una cualisquiera, sabéis que nun mos va eso del fast food. Les hamburgueses de la Sidrería El Madreñeru de Loreto, en La Pola Siero, son una opción ideal pa esti casu.

La que veis na semeya, amás de carne de xata al so puntu, lleva quesu fundíu de cabra, forgaxes de quesu manchegu curáu, tomate a la chapa, cebolla carambelizao a la chapa, llechuga y pimientu agridulce, too ello acompangao de les imprescindibles patates frites, que son patates de verdá y recién frites -esclario pol vezu d’utilizar patates conxelaes pa coles hamburgueses-.

Si entá nun tuviesteis la oportunidá de tastiar el maridaxe hamburguesa / sidre encamentámosvos facelo n’E lMadreñeru: non solo vos echará la sidre una de les meyores profesionales, excampiona del Campionatu Oficial d’Echaores, sinón que podréis escoyer pente fasta siete palos estremaos.

SIDRERÍA EL MADREÑERU. Plaza Les Campes 15. La Pola Siero T. 985 72 45 99


(Visited 2.465.897 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies