Inicio > AS > Noticies > Riestra presenta la so sidre de seleición y esplumosa n’Avilés
Noticies

Riestra presenta la so sidre de seleición y esplumosa n’Avilés

L‘avilesina Sidrería La Real ye’l llugar escoyíu pol llagar Riestra pa presentar la so nuea Sidre de Seleición Ribayu y la esplumosa Guzmán Riestra.

LA SIDRA.- El prósimu 3 d’avientu,el llagar Riestra presentará na Sidrería La Real d’Avilés (San Agustín 8), de magar les 7 la tardi, la so sidre Ribayu Seleición y la brut nature y semiseca Guzmán Riestra, que vien siendo gallardonada n’estremaos concursos internacionales, el postreru d’ellos, el SISGA 15, onde la semiseca algamó’l primer puestu na so variedá y la brut nature’l segundu.

 

Trátase d’una perbona oportunidá pa conocer el productu d’esti llagar sareganu fondamente comprometíu tantu n’algamar la escelencia no que cinca a la sidre natural, comu a les nueves esplumoses, poles que fai un apueste decidíu y too ello nel ambiente privilexáu qu’ufre la Sidrería La Real,
 d’Avilés.

(Visited 2.465.180 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies