Inicio > Chigres > Reactívase’l Llinderu de la Sidra
ChigresChigresEncamientos

Reactívase’l Llinderu de la Sidra

Yumay, La Ruta, El Corchu y El Chigre retomen el proyectu atayáu pol andanciu

Villalegre ye’l núcleu sidreru por escelencia d’Avilés, n’unos pocos metros cuadraos concéntrense cuatro sidreríes de gran calidá, onde ufierten un tratu escelente de la sidre y a los sos veceros.

Coscientes d’esta singularidá y de que la unión fai la fuerza, el Yumay, La Ruta, El Corchu y El Chigre bautizáronse va unos años como ‘El Llinderu de la sidra’, un nomatu col que quien promocionase y atrayer fasta’l barriu tantu a los avilesinos del centru de la ciudá como a los vecinos corveranos.

Los propietarios de los cuatro establecimientos aconceyarán el prósimu 1 de febreru pa concretar les aciiones que puen llevar a cabu pa dar puxu a la so marca. Creen que tien percorríu porque, magar nel centru d’Avilés hai sidreríes y les distancies nun son bien estenses, nun hai una ruta como tala. El restu ta entá por definir, anque hai ganes y enerxía para sacar allantre la iniciativa.

‘El Llinderu de la sidra’ surdió en 2017 y so esta denominación entamaron xornaes como les del muxón o un menú estacional y tapes con productos típicos del sieglu XVI en coincidencia col quintu centenariu de la nacencia del marín avilesín Pedro Menéndez.

(Visited 1.378.251 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies