Inicio > AS > Noticies > Quexes pola sidre nes fiestes de práu
Noticies

Quexes pola sidre nes fiestes de práu

Denúncien qu’hai botelles de permala calidá y que por ello los que van de folixa prefieren tomar cerveza o cacharros.

LA SIDRA.- ” A min gústame la sidre, y cuando voi de folixa ye lo que me presta beber. Pero pónente ca cosa… paez vinagre, y claro, eso nun se pue beber. Asina que pa eso meyor pido un cachi” siñala Alonso, elli y los sos collacios son asiduos a les fiestes de paru y afirmen que tol añu esperen con ganes el bon tiempu pa que dean comienzu. “Les fiestes de prau n’Asturies son úniques, la mio moza ye de Llión y vien coles sos amigues. Pero claro, cuando venimos equí nun pidimos sidre porque nun ta bien. Enantes dexaben trayer caxes, pero yá non. Yo toi d’alcuerdu en pagar pa que sigan entamándose, pero ye que yá sabemos que ye fácil que mos dean puxarra, y cara” sentencia.

 

Hai un par de selmanes, namás en Xixón tuvieron llugar tres diferentes fiestes nel conceyu. “Toviemos muncha movición de xente y eso anímamos abondo” siñala un tasista que trabaya nel turnu de nuechi. Al entruga-y qué ye lo que la mocedá suel xubir a les fiestes, el conductor comenta que sobro too “botellón”. “Refrescos pa facer cacharros” detalla. Tamién rellata qu’a muncha xente que llevó quexóse-y de la sidre “¿Como vamos consumilo si lo que se sirve ta mui paasao o mui tienro? Pero yo creo que tenemos un poco la culpa toos. Los que la vienden sabiendo que ta mala, los que la merquen nun sabiendo como tien que tar y los que nun mos quexamos” reflexona’l tasista.

Quiciás lo más allarmante ye, xustamente, qu’esto nun cause allarma. Ello ye, muncha xente presupón que si va a una fiesa de prau, la sidre, xeneralmente tará malo. Y tampoco nun ye asina. Hai abondos llagareros que s’esfuercien por vender siempres un productu de calidá. Pero como se suel dicir, paguen xustos por pecaores. Arriendes dela mala imaxe que damos a turistes que quien vivir una auténtica folixa asturiana. L’esfutar de les nueses fiestes con sidre ye, tamién, lluchar por defender la tradición. Desgraciadamente les xeneraciomes moces tan avezándose a que “lo tradicional” seya l’alcol d’alta graduación mecíu con refrescos. Dar puxu al consumu sidre, eso sí con xacíu, ye positivo pa tol país, Y por eso tola cadena debiere ufrir calidá.

(Visited 2.465.701 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies