Inicio > AS > Noticies > Quelo presenta la so sidre nuevo
Noticies

Quelo presenta la so sidre nuevo

El Llagar de Quelo presenta la so sidre nuevo con una espicha los díis 6 y 7 febreru.

LA SIDRA.- Cuandu yá paecía que los llagares profesionales escaecieren dafechu la tradición de facer espicha pa presentar la sidre nuevo, el Llagar de Quelo (Tiñana, Sieru) entama una auténtica espicha, con pinchos, mariscos y taquinos y por supuesto la so primer sidre, daqué temprana, probatiblemente por mor de les altes temperatures de la seronda ya hibiernu.

Les espiches pa presentar la sidre nuevo siempres foren tradicionales, y siguen faciéndose nos llagares que mayen pa en casa, siendo perconocíes les espiches de Les Cuenques que demientres la selmana santa abren los barriles cola sidre nuevo; por embargu, los llagares industriales foron dexando de faceles progresiblemente, llegando cuasique a esapaecer con esta fin y faciéndose práuticamente por encargu cualisquier díi del añu, por eso esta espicha del Llagar de Quelo ye especialmente interesante.

 

La espicha tendrá llugar el 6 y 7 de febreru, y cuntará con animación a cargu de Dj Buky, nuna amuesa de modernidá que tampoco nun ta de más na sidre. Pa más información y reserves T. 985 79 29 32.

sidre, sidra, sidro, cider, cidre, sagardoa, Apfelwein, Píngguǒ jiǔ, cidro, siideri, seidr, leann úll, Saidā, sider, jablečné víno, jabłecznik, sydr

(Visited 2.466.607 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies