Inicio > AS > Noticies > Que nun pare la sidre
Noticies

Que nun pare la sidre

Dempués d’agostu la nuesa emblemática bébora va siguir siendo la protagonista, yá que llega’l SISGA y Xixón de Sidre.

LA SIDRA.- Xixón de Sidre yá confirmó les sos feches pa esta seronda. Rializaráse del 6 al 16 d’ochobre, namás cuatro díes dempués de la cellebración del SISGA 2016. Asina, llógrase tener una continuidá pal fomentu de la cultura sidrera; una amuesa clara del por qué la sidra merez ser reconocida como Padrimoniu Cultural Inmaterial de la Humanidá per parte la UNESCO.

Yá ta escomenzándose colos preparativos y seleición de los llagares que van participar nesta ochava edición de Xixón de Sidre. Nesti eventu podrá conocese a fondu’l procesu, comercialización y consumu de la bébora asturiano por escelencia, que cunta con mayor xorrecimientu internacional de los postreros años. Na cita van participar llagares de toa Asturies que s’hermanen con sidreríes emblemátiques de la ciudá. Demientres los 11 díis que va durar ca chigre va ufiertar una botella de la sidre acoyía per ca establecimientu y una cazuelina o ración de criación propia a un  preciu afayaízu mentes esfrutamos de tradicionales cancios de chigre.

EL postrer actu nel que pudo vese una amuesa de les iniciatives que rializa Xixón de Sidre, foi en Madrid Fusión 2016 y Enfousión. Ellí tamién tuvo la revista LA SIDRA, al pie del cañón, los cuatro díis que duró l’eventu gastronómicu. Ellí, como n’años anteriores, un culín de sidre recibió a los visitantes qu’allegaron al Palaciu de Congresos de Madrid, echáu por Wilkin Aquiles.

(Visited 2.467.659 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies