Inicio > Encamientos > Pumarada Gallinal, apueste pola calidá
EncamientosLlagares

Pumarada Gallinal, apueste pola calidá

Esta pumarada de 30 hectáries, asitiada en Serín, tien llantaes siete variedaes de mazana de DOP y busca ufrir unproductu de calidá y un serviciu orientáu a les necesidaes de los llagareros.

LA SIDRA.- Finca Gallinal, asitiada na collación de Serín –Xixón- ye una pumarada de Denominación d’Orixe referencia n’Asturies, que tien como oxetivos algamar un porductu de másima calidá y ufrir un servicio mui presonalizáu y empobináu a los llagares. Esa finca, iscrita dafechu na Denominación d’Orixe Protexía, cunta con 30 hectáries de les que 23 tan llantaes con siete races de mazana de Denominación d’Orixe: Regona, De la Riega, Verdialona, Durona de Tresali, Xuanina, Raxao y madiedo, anque d’ésta postrera entá tienen pocos pumares llantaos.

La familia Exner Argüero mercó esta pumarada en 2015 y, de magar entós, los sos responsables, los hermanos Daniel y José Ignacio, centraren los esfuercios en meyorar la eficiencia de la pumarada, invirtiendo recursos en frades intensives, nuevos pumares, maquinaria, y un sistema de fertirrigación. Los más de los pumares tan llantaos ente los años 2006 y 2010 con estremaos padrones. Pore eso, como desplica Daniel, “la nuesa intención dende l’entamu ye ufrir mazanes de másima calida, enfotaos en que sedrán meyores si tan bien trataes, anque hebia xente que mos lo discutía porque decía que, a la fin, una mazana de sidre ye una mazana de sidre dixebradamente del tratu que se-y dea y, neso, nun tamos d’alcuerdu”.

VER RESTU D’ARTÍCULU

(Visited 2.465.825 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies