Inicio > AS > Noticies > Primer Mesa de Tastia de la Sidre d’Escoyeta
Noticies

Primer Mesa de Tastia de la Sidre d’Escoyeta

La sidre de Mazana Seleicionao, marca de calidá qu’agrupa a los llagares de Trabanco, Peñón, Foncueva y Muñiz cellebrará el prósimu llunes la primer Mesa de Tastia de la Collecha 2015.

LA SIDRA.- La Sidrería El Forno de La Pola Sieru, sedrá l’escenariu el prósimu llunes 18 a les 18:30 hores, d’esta primer Mesa de Tastia que, presidía por Maximino Villarrica, tendrá d’evaluar la sidre que presenten a calificación los cuatro llagares ellaboraores d’esta marca, cuyu oxetivu ye da-u puxu a la sidre de calidá. Namás la que supere’l notable, comu nota media, podrá salir al mercáu cola escontra-etiqueta “Sidre de Mazana Seleicionao”

 

La sidre que se presentará a calificacción esti llunes ye especial, yá que se trata de la Primer Sidre l’Añu, ello ye, la sidre ensin trasiegar y que reposa entá sobro les borres, un tipu de sidre que dende la revista LA SIDRA llevamos años faciendo por recuperar colos premios a la Meyor Primer Sidre L’Añu, que ganó’l llagar La Morena esti añu, y cola cellebración de la Primer Sidre L’Añu, qu’esti añu fexo la so sétima edición.

La sidre que califique’l prósimu llunes saldrá al mercáu el martes 10 de mayu, fecha escoyía pola sidre de Mazana Seleicionao pa estrenar la nuea collecha 2015.

(Visited 821.616 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies