Inicio > Cultura sidrera > Presentada la XXIX edición del Campionatu Oficial d’Echaores de Asturies
Cultura sidreraDOP Sidre d'Asturies

Presentada la XXIX edición del Campionatu Oficial d’Echaores de Asturies

La revista LA SIDRA va patrocinar la nueva categoría d’ echaores Sub25

LA SIDRA.- Ayeri presentóse la XXIX edición del Campionatu Oficial d’Echaores de Asturies, na see del Conseyu Regulador de la DOP Sidre de Asturies (Villaviciosa). L’actu foi guiáu pol xerente de la entidá, Daniel Ruiz; el presidente de l’Asociación d’Echaores y coordinaor del campionatu, Saúl Moru; el responsable de Sidreríes n’Otea, Javier Fernández; l’alcalde de Villaviciosa, Alejandro Vega; y Covadonga Álvarez, en representación de Caxa Rural d’Asturies.

“L’echaor ye la gran diferencia con respectu al restu de sidres del mundiu. Queremos que’l campionatu se convierta nun espectáculu en toles fiestes que s’entamen”, destacó Saúl Mor0. El campionatu, que va escomenzar el 30 d’abril en La Felguera y tien yá zarraes 16 pruebes, va cuntar esti añu con novedaes. “Modifiquemos el sistema de puntuación y vamos cuntar, per primer vegada, cola modalidá sub25”, que va tar patrocinada pola revista LA SIDRA, tal como adelantró’l coordinador d’esti certame. Una edición más, el xuráu compondráse de cinco ganadores d’esti concursu. Les prósimes pruebes van cellebrase en Cabranes el 7 de mayu, y en Llanera’l 15 del mesmu mes.

Pela so parte, el xerente del Conseyu Regulador de la DOP Sidre d’Asturies, Daniel Ruiz, amosóse bien satisfechu por collaborar, un añu más, col campionatu. “Vamos siguir sofitando cualisquier iniciativa que ponga n’alza l’echáu. Esta ye una d’elles. A lo último, ye l’ellementu diferenciador de la cultura sidrera asturiana”, argumentó.

Javier Fernández fixo fincapié en “l’optimismu que nestos momentos arrodia al seutor”, coles mesmes que demandó que “d’una vegada, reconózase la categoría profesional del echaor”, anque, reconoz “tán teniendo munchos desavenientes”.

En representación de Caxa Rural de Asturies allegó Covdonga Álvarez. “Ye para nós un arguyu siguir collaborando con esta triba d’iniciatives, en favor de Asturies y los asturianos”, comentó. Pela so parte, l’alcalde de Villaviciosa, Alejandro Vega, felicitó a la organización por siguir sacando adelantre un campeonatu que ye “exemplu de collaboración ente entidaes del seutor hosteleru”.


(Visited 2.464.849 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies