Inicio > Eventos > Presentación VIII SISGA
EventosInternacionalSISGA

Presentación VIII SISGA

Tuvo llugar na Casa la Palmera de Xixón; la Tastia Abierta del Salón Internacional de les Sidres de Gala sedrá’l prósimu sábadu 29 setiembre.

LA SIDRA.- La presentación del SISGA tuvo llugar güei na Casa la Palmera de Xixón. Al actu asistieron Jesús Martínez Salvador, conceyal de Turismu, Esportes, Festeyos y Xuventú de Xixón; Jorge González-Palacios, xerente de Divertia: y Carme Pérez de la Funcadión Asturies XXI -entidá entamaora- Martínez Salvador siñaló demientres la so intervención que: “el SISGA ye un eventu que ye pernecesariu porque sabemos lo importante que ye la sidre n’Asturies, pero davezu esa importancia ciéntrase na sidre natural, y quiiás por ello pue perdese de vista que munchos llagares asturianos tan ellaborando sidres de copa que mos permiten cuntar con un mayor abanicu productos, amás que qu’amuesa’l so bon saber faer y la so gran calidá. Por ello ye imperativos que faigamos tol esfuerciu posible pa que se dea a conocer esta amplia gama, tantu dientru como fuera d’Asturies”.

Asina, el díi cimeru pa dar a conocer los productos de tolos ellaboraores sedrá la xornada de Tastia Abierta al públicu, el sábadu 29 setiembre. El llugar tornara a ser el Palaciu de Revillaxixéu de Xixón (Plaza’l Marqués, 2) n’horariu de 12:00 a 21:00 hores. Esta sedrá una oportunidá única pa que’l públicu puea conocer y prebar l’amplia gama de sidre novedoso y derivaos qu’esisten nel mercáu. “Queremos que seya una fiesta pa que’l públicu asistente puea averase fasta’l Palaciu Revillaxixéu y la  Colexata de San Xuan Bautista. La entrada costará 6 euros y con ella facilitaráse una copa cola que podrán degustase tolos productos, y aquellos que seyan del gustu los asistentes, podrán alquiriser per botelles” desplicó Carme Pérez, de la Fundación Asturies XXI.

Pérez destacó tamién que nesta edición, además de que s’acupará La Colexata San Xuan Bautista pa la Tastia Abierta, taién s’utilizará’l Patiu los Asturcones, yá que s’incrementó l’asistencia de llagares y per ende cuasique se duplicó l’espaciu d’esibición y degustación. Asina mesmo, programárense taties guiaes  a lo llargo de tola xornada que sedrán impartíes polos propios llagaretos tanto nacionales como internacionales, asina como por especialistes. Los países participantes sedrán: Estaos Xuníos, Francia, Reinu Xuníu, Italia, Portugal, Alemañaa, Holanda, Polonia; y esti añu per primer vegada, Letonia y Finlandia. Del territoriu español tarán presentes Canaries, País Vascu, Cantabria y Llión; y habrá alrodiu d’una docena de llagares asturianos, ente ellos, Castañón, Cortina, Foncueva, Panizales, Paca y Tola (La Naveta), Riestra, Trabanco, Valverán o Viuda de Angelón.

 

VIII SALÓN INTERNACIONAL DE LES SIDRES DE GALA -SISGA’18-

VER ARTÍCULU LA SIDRA PREMIOS SISGA’17 / VER SEMEYES DEL SISGA’17

(Visited 2.465.672 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies