Inicio > Cultura sidrera > Presentación del XXVIII Campionatu Oficial d’Echaores
Cultura sidreraDellos

Presentación del XXVIII Campionatu Oficial d’Echaores

Na xornada d’ayeri presentóse la XXVIII edición del Campionatu Oficial d’Echaores d’Asturies, na see del Conseyu Regulador de la DOP Sidre d’Asturies (Villaviciosa).

LA SIDRA.- Nel actu tuvieron presente Alejandro Vega, alcalde de Villaviciosa; Celestino Cortina, presidente del Conseyu Regulador DOP Sidre d’Asturies; Félix de la Fuente, presidente de l’Asociación d’Echaores; Javier Fernández, responsable de Sidreríes de Otea; y Saúl Moro, cordinador del campionatu.

“La sidre y los sidreros, por cultura y tradición, merecen siguir esfrutando d’esti campionatu. A día de güei, hai diez pruebes zarraes”, adelantró Saúl Moru. La primer cita d’esta edición va ser Cabranes, el próximu sábadu 8 de mayu. Dempués, siguiránlu Nava, Bimenes, La Felguera, Carreño, Llanes, Xixón, Villaviciosa, Siero, Uviéu. Les feches van afitase una vegada remate l’estáu d’alarma. Un añu más, el campionatu va ser retresmitíu vía streaming (páxina de Facebook de Campionatu d’Echaores).

“A pesar de que’l sector traviesa una etapa complicada y d’incertidume, fiximos l’esfuerzu de poder cellebrar un añu más esti campionatu, y asina poner en valor la tradición del echáu de sidre en desterciu de los aparatos llétricos que, a pasos axigantaos, invádennos”, comentó Celestino Cortina, presidente del Conseyu Regulador DOP Sidre d’Asturies.

Pela so parte, Félix de la Fonte estimó la collaboración de los patrocinadores. “El sofitu de DOP, Otea y Caxa Rural ye clave. Ye una llástima que Javier Nievas, responsable del Departamentu de Mediu Rural de Caxa Rural d’Asturies, nun pudiera venir a la presentación, pero dende equí repitímos-y el nuesu agradecimientu. Esperemos qu’esti concursu pueda consolidase entá más”, destacó.

Remató l’actu coles intervenciones de Javier Fernández y Alejandro Vega. Fernández allantró que se ta trabayando nel certificáu de profesionalidá del echaor”,  mentes que’l conceyal de Villaviciosa fixo fincapié en “el gran llabor” que ta desendolcando’l seutor sidreru, pesia ser un seutor “que ta sufriendo como pocos los efectos del andanciu”.


(Visited 2.465.618 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies