Inicio > AS > Eventos > Presentación del SISGA 2016
Eventos

Presentación del SISGA 2016

El prósimu llunes presentaráse la sesta edición del Salón Internacional de les Sidres de Gala (SISGA), que se cellebrará en Xixón del 30 de setiembre al 2 d’ochobre.

VER ARTÍCULU EN LA SIDRA 153

LA SIDRA.- La rueda prensa tendrá llugar el llunes 26 de setiembre na Casade la Palmera (Cabrales 82) de Xixón, y na mesma intervendrán Jorge González-Palacios, xerente de Divertia,  Carme Pérez, representante de la Fundación Asturies XXI y Manuel G. Busto, presidente del Xuráu Internacional de los Premios SISGA.

Esti VI SISGA que cunta con una participación perimportante de llagares internacionales, entama’l 30 setiembre col aconceyamientu del xuráu internacional pa fallar los premios SISGA 16, y la Cena Gala que se cellebrará esa mesma nuechi nel Restorán Somió Park, onde los platos sedrán harmonizaos con fasta un total de 30 sidres, y demientres la cuala se fadrá entrega de los afamaos Premios SISGA d’esta edición.

El sábadu 1 d’ochobre cellebraráse la esperada Xornada de Tastia Abierta, qu’ufrirá la posibilidá única de desgustar sidres de toa Europa, con más de 130 tipos estremaos de sidre, y que se cellebrará na Colexata San Xuan Bautista (Cimavilla. Xixón) n’horariu continuu de 12 a 21 hores.

El domingu 2 d’ochobre tendrá llugar la Xornada de Sumilleres, que tendrá un marcáu calter profesional, y nel qu’habrá oportunidá de conocer la situación d’estes sidres n’Europa y participar nes tasties guiaes polos propios llagareros.

Más información, pases de prensa y entrevistes:

Estíbaliz Urquiola

669 380 723

estibalizurquiola@gmail.com / redaccion@lasidra.as

(Visited 2.466.846 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies