Inicio > AS > Eventos > Esitosa presentación del SISGA ’16 en Barcelona
Eventos

Esitosa presentación del SISGA ’16 en Barcelona

Na xornada d’ayeri tuvo llugar la Cena Gala en Barcelona na que se presentó’l SISGA’ 16  con una perinteresante harmonizción de les propuestes del xef con sidres premiaes nos SISGA’15.

LA SIDRA.- Entamada pola Fundación Asturies XXI y LA SIDRA, en collaboración col Cientru Asturianu de Barcelona, na nuechi d’ayeri cellebróse una Cena Gala, na que se presentó la prósima edición del SISGA 16, que tendrá llugar el 30 setiembre y el 1 d’ochobre.

La Cena Gala, cellebrada nel prestixosu restorán del Novotel City Barcelona, siguió l’avezáu sistema d’harmonizar les propuestes gastronómiques del xef con dos o tres sidres gallardonaes nel pasáu SISGA ’15. Los asistentes, profesionales del seutor alimentariu y de distribuición, asina comu presonalidaes significatives de la colonia asturiana en Cataluña, esfrutaron d’una cena perafayaíza na que tovieron la oportunidá d’averase a les nueves sidres que se tan ellaborando anguañu nel nuesu país y que munchos d’ellos desconocíen.

 

 Ente los asistentes ye de destacar la presencia del llagareru asturianu Raul Riestra, del llagar Riestra, que presentó la so sidre brut y la semi-seca, que despertaron enforma interés ente los participantes.

Les sidres que tovieren presentes nesti eventu, cortesía de los propios llagares, foron:

  • Ecusson Melocotón
  • Ecusson Dulce
  • Ecusson Rosada
  • Mayador Rosada
  • Mayador Extra
  • Norniella
  • Villacubera (Cortina)
  • 1947 (Viuda de Angelón)
  • Hera Membrillo (Panizales)
  • Riestra Brut
  • Ecusson Brut
  • Prau Monga (Viuda de Angelón)
  • Riestra s.s
  • Saint Charles ss
  • Green Gooblin. Tatchers
  • Sidra de Pera Viuda de Angelon
  • Sidra de Pera Ecusson
  • Sidra de Hielo Llagar de Panizales
  • Aguardiente de Sidra San Juan del Obispo y Salvador del Obispo

Pal sábadu 30, y tamién entamada por LA SIDRA, y la Fundación Asturies XXI ta convocada la I Folixa de la Sidre en Barcelona, que se cellebrará de magar les 12 del meudíi nel Cientru Asturianu de Barcelona

(Visited 2.464.685 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies